Энэ нь тус улсын түүхэнд хууль бус уул уурхайн улмаас гарсан хамгийн олон хүний амь хохирсон ослуудын нэг болж байна.
Ослын газраас дөрвөн хүнийг аварсан бөгөөд эрэн хайх, аврах ажиллагаа бүрэн дууссан тухай тус мужийн Иргэний хамгаалалт, гал түймэртэй тэмцэх албанаас ням гарагт гаргасан мэдэгдэлдээ дурджээ.
Өнгөрсөн Бямба гарагт гарсан уг ослоор амь үрэгдэгсэд нь 16-аас 35 насны залуус байсан талаар албаны эх сурвалж мэдээлэв.
Ангол улс дахь хууль бус уул уурхайн үйл ажиллагаа нь урьд өмнө түүхэндээ алмазын салбартай голчлон холбогддог байв. Гэвч тус улсаас уул уурхайн салбарыг олон тулгуурт болгон төрөлжүүлэх бодлого баримтлах болсон нь алт зэрэг бусад төрлийн металлыг гар аргаар олборлох явдлыг эрс нэмэгдүүлээд байна.
Ангол улсын уул уурхайн салбар нь түүхэндээ газрын тос болон алмазын бүрэн хамааралтай байсан бол одоо зэс, алт, лити болон газрын ховор элементүүд рүү хүчтэй төрөлжин шилжиж байна. Дэлхийн зах зээл дээрх алмазын үнийн уналт болон ногоон эрчим хүчний шилжилттэй холбоотойгоор тус улсын Засгийн газар уул уурхайн салбарыг олон тулгуурт болгох томоохон шинэчлэлийг хэрэгжүүлж байгаа юм.
