Энэ оны эхний 8 сарын (1-8 сар) нийт дүн 1,225.2 сая тонн болж, өмнөх оныхоос 0.7%-иар багассан үзүүлэлттэй гарлаа.

Бүс нутгуудаар нь авч үзвэл, Африк тив 8.8%-иар (2.1 Mt), Хойд Америк 3.9%-иар (9.4 Mt), Европын бусад орнууд 1.2%-иар (3.8 Mt) тус тус өсөлт үзүүлжээ.

Харин хамгийн том үйлдвэрлэгч Ази ба Далайн орнууд 1.4%-иар (106.7 Mt) буурсан бол Орос, ТУХН-ийн орнууд болон Украин 5.6%-иар (6.3 Mt), Өмнөд Америк 4.9%-иар (3.4 Mt), Ойрхи Дорнод 4.6%-иар (3.7 Mt), Европын Холбоо (27) 1.0%-иар (8.9 Mt) тус тус буурсан байна.

Тэгвэл дэлхийд ган үйлдвэрлэлээр тэргүүлэгч топ 10 улсуудын хувьд өсөлт, бууралт аль аль нь гарсан үзүүлэлттэй байна. Тухайлбал,Хятад улс 2026 оны 8 дугаар сард 74.6 сая тонн ган үйлдвэрлэсэн нь 2025 оны 8 дугаар сарынхаас 3.7%-иар буурсан байна. Үүний зэрэгцээ Энэтхэг улс 14.8 сая тонныг үйлдвэрлэж, 4.6%-иар өсжээ. АНУ-ын урьдчилсан үйлдвэрлэл 7.3 сая тонн буюу 3.0%-иар өссөн гэж тооцоолсон байна.

Бусад тэргүүлэгч орнуудын үйлдвэрлэл:

• Япон: 6.7 сая тонн (0.4%-иар өссөн)

• ОХУ (урьдчилсан): 5.5 сая тонн (0.3%-иар буурсан)

• Өмнөд Солонгос: 5.4 сая тонн (2.6%-иар өссөн)

• Турк: 3.4 сая тонн (0.4%-иар буурсан)

• Герман: 2.6 сая тонн (1.7%-иар өссөн)

• Бразил: 2.7 сая тонн (6.2%-иар буурсан)

• Вьетнам: 2.7 сая тонн (36.4%-иар өссөн) байна.

Шилдэг 10 орноос Вьетнам улс хамгийн өндөр өсөлтийг үзүүлэв. Тус улс 8 дугаар сард үйлдвэрлэлээ 36.4%-иар, эхний 8 сарын дүнгээр 29.1%-иар нэмэгдүүлж, дэлхийн гангийн зах зээлд хүчтэй түрэн орж ирж байна.