Үүний шалтгааныг тус улсын төсөв, санхүүгийн байдал цаашид муудах төлөвтэй байгаатай холбон тайлбарласан байна.

Энэхүү шийдвэр нь Moody's агентлаг сүүлийн нэг жилийн хугацаанд Ботсвана улсын зэрэглэлийг хоёр дахь удаагаа бууруулж буй тохиолдол бөгөөд үүний улмаас тус улсын зэрэглэл “хэрэгцээгүй/найдваргүй” (junk status) түвшнээс ердөө хоёрхон алхмын дээр ирлээ.

Уг үйл явдал нь Ботсвана улсын Сангийн сайд Ndaba Gaolathe Төв банкнаас орж ирэх хүлээгдэж буй орлого нэмэгдсэн болон зардлаа танах арга хэмжээ авсны ачаар энэ санхүүгийн жилд төсвийн алдагдал харьцангуй бага гарна гэж мэдэгдсэнээс хэдхэн хоногийн дараа болж байна.

Урт хугацааны турш Африкийн амжилтын түүх гэж үнэгдсээр ирсэн Ботсвана улсын эдийн засаг дэлхийн алмазны зах зээлийн урт хугацааны уналтад хүчтэй нэрвэгдээд байна. Энэхүү уналт нь эдийн засгийн тодорхойгүй байдал болон лабораторид гарган авсан хиймэл алмазны нэр хүнд өссөнтэй холбоотой юм. Алмаз нь Ботсвана улсын үндэсний орлогын гуравны нэгийг, гадаад валютын орлогын дөрөвний гурвыг бүрдүүлдэг байна.

Moody's агентлагийн мэдээлснээр дараах хүчин зүйлс Ботсвана улсын төсвийн байр суурийг сулруулжээ. Тодруулбал, Алмазны салбарын орлого буурсан, Засгийн газрын орлогын гол эх үүсвэр болох Өмнөд Африкийн Гаалийн Холбооноос (SACU) орж ирэх орлого хүлээгдэж байснаас багассан, шинээр нэвтрүүлсэн татварын арга хэмжээнүүдийн үр дүн хангалтгүй байсан гэх мэт шалтгаануудыг дурдсан байна.

Мөн тус агентлаг хэрэв Ботсвана улс Anglo American компанийн энэ оны сүүлчийн улиралд багтаан хаахаар төлөвлөж буй борлуулалтын хүрээнд өрийн санхүүжилтээр De Beers компанид оруулах хөрөнгө оруулалтаа үлэмж хэмжээгээр нэмэгдүүлбэл зэрэглэлийг дахин бууруулж болзошгүйг анхааруулав.

Гэхдээ төсвийн бодлогын хариу арга хэмжээ сайжирсан, мөн алмазны орлого тогтвортой сэргэснээр өрийн хуримтлалын хурдыг сааруулж чадна гэж үзэн тус улсын ирээдүйн төлөвийг "сөрөг" байснаас "тогтвортой" болгон өөрчилсөн байна.