Ийнхүү Төмөртэйн төмрийн хүдрийн ордыг түшиглэн уурхайг хөгжүүлэх, олборлолтын үйл ажиллагааг эхлүүлэх суурь тавигдсан бөгөөд энэ өдрөөс хойш Төмөртэй уурхайн үйл ажиллагааны түүхэн замнал эхэлсэн байна.

Өнгөрсөн 15 жилийн хугацаанд Төмөртэй уурхай нь олборлолт, үйлдвэрлэлийн үйл ажиллагаагаа үе шаттайгаар хөгжүүлж, уурхайн дэд бүтэц, бүтээн байгуулалт, технологийн шинэчлэл болон хүний нөөцийн чадавхыг бэхжүүлэх чиглэлээр ажиллаж иржээ.

Энэхүү түүхэн хугацаанд уурхайн хэвийн, тогтвортой үйл ажиллагааг хангахын зэрэгцээ бүтээн байгуулалт, олборлолт, үйлдвэрлэлийн бүхий л үе шатанд мэдлэг, ур чадвар, хүч хөдөлмөрөө зориулсан үе үеийн уурхайчид, инженер техникийн ажилтан, нийт ажилтан, албан хаагчдын хөдөлмөр чухал байр суурь эзэлж байна.

Төмөртэй уурхайн үйл ажиллагаа эхэлсэн түүхэн өдрөөс хойш 15 жил өнгөрч, уурхайчдын хөдөлмөр, бүтээн байгуулалтын үр дүнг эргэн дурсахын зэрэгцээ цаашдын хөгжлийн шинэ үеийг эхлүүлэх чухал цаг хугацаа тохиож байна.

Төмөртэй уурхайн 15 жилийн түүхэн замналд хувь нэмрээ оруулсан үе үеийн уурхайчид, инженер техникийн ажилтан, нийт хамт олонд уурхайн 15 жилийн ойн баярын мэнд хүргэж, эрүүл энх, хөдөлмөрийн өндөр амжилт, уурхайн цаашдын хөгжилд сайн сайхан бүхнийг хүсэн ерөөе.