Reuters-ийн мэдээлснээр уг гэрээг есдүгээр сарын 22-нд Нью-Йорк хотод байгуулсан бөгөөд энэ нь критикал ашигт малтмалын нийлүүлэлтийн сүлжээнд дахин боловсруулалтын технологийн ач холбогдол нэмэгдэж байгааг харуулж байна.

Дэлхийн хэмжээнд цахилгаан автомашин, эрчим хүч хадгалах батарей, өндөр технологийн үйлдвэрлэл нэмэгдэхийн хэрээр литий, никель, кобальт зэрэг түүхий эдийн эрэлт өсөж байна. Гэвч шинэ уурхай байгуулахад олон жил шаардагддаг тул ашиглагдсан батарей болон бусад хоёрдогч түүхий эдээс металлыг эргүүлэн авах технологи нийлүүлэлтийн нэмэлт эх үүсвэр болж байна.

Nth Cycle-ийн хувьд батарейн дахин боловсруулалтаас гаргаж авсан металлыг боловсруулах чиглэлээр ажилладаг. Glencore-той байгуулсан гэрээ нь дахин боловсруулсан түүхий эдийг олон улсын томоохон худалдааны сүлжээнд холбох боломжийг нэмэгдүүлж байна.

Уг хэлцэл нь Nth Cycle компанийн энэ оны сүүлээр олон нийтэд хувьцаагаа санал болгох төлөвлөгөөтэй давхцаж байгаа талаар Reuters мэдээлжээ.

Энэ чиг хандлага уул уурхайн салбарын бизнесийн загварт өөрчлөлт авчирч байна. Ирээдүйд металлын нийлүүлэлтийг зөвхөн шинэ уурхайгаар нэмэгдүүлэхээс гадна ашиглагдсан бүтээгдэхүүнээс металлыг дахин гарган авах, боловсруулах, цэвэршүүлэх үйл ажиллагаа чухал байр суурь эзлэхээр байна.