Ормузын хоолойгоор дамжих урсгал хэвийн бус хэвээр байгаа нь зах зээлийн гол эрсдэл болж байна. Энэ оны эхний 9 сарын байдлаар Ойрхи Дорнодын мөргөлдөөнөөс шалтгаалан дэлхийн зах зээлээс өдөрт ойролцоогоор 10 сая баррель газрын тосны экспорт тасалдаж байгаа гэсэн тооцоо гарсан. Энэ нь дэлхийн газрын тосны эрэлтийн ойролцоогоор 10%-тай тэнцэх хэмжээ юм. 

Өнөөдрийн байдлаар Brent газрын тос ойролцоогоор $106/баррель

орчимд хэлбэлзэж байгаа бөгөөд долоо хоногийн өсөлт нь 10%-иас давсан. 

Хэрэв Ормузын хоолойн урсгал улам муудаж, Ойрхи Дорнодын дэд бүтцэд дахин халдлага гарвал дахин өсөх магадлалтай гэж тооцжээ. 

Газрын тосны үнэ $100-аас дээш удаан хугацаанд тогтвортой байвал зөвхөн шатахууны үнэ өсөхгүй. Үүнээс гадна: 

• Газрын тос 

• Бензин, дизель, онгоцны түлш

• Тээврийн зардал 

• Хүнс, бараа бүтээгдэхүүний өртөг 

• Инфляци 

• Төв банкууд хүүгээ өндөр байлгах, хүү нэмэх дарамт гэсэн олон сөрөг нөлөөтэй. 

Мөн манай улсын хувьд ч шатахууны үнэ олон хүчин зүйлээс хамаардаг боловч дэлхийн газрын тосны үнэ өсөх нь импортын өртөгт дарамт өгнө.

Ялангуяа:

• АИ-92 бензин

• АИ-95

• дизель түлш

• онгоцны түлш

• тээврийн зардал

• уул уурхайн бүтээгдэхүүний тээвэр

• хүнсний барааны логистик дээр дам нөлөө үзүүлэх юм. Хэрэв газрын тосны үнэ өсөхийн зэрэгцээ ам.долларын ханш чангарвал Монголын импортын шатахууны өртөгт давхар дарамт ирэх нь тодорхой юм.