Японы Үйлдвэрлэлийн яамнаас 2 тэрбум иений татаас авсан уг хөрөнгө оруулалтын хүрээнд Акита дахь үйлдвэрийн вольфрамын металл үйлдвэрлэхэд ашиглагддаг дундын бүтээгдэхүүн болох аммонийн паратунгстат (APT)-ын жилийн үйлдвэрлэлийн хүчин чадлыг вольфрамын гурвалсан исэлд шилжүүлснээр 2,400 тонн болгон хоёр дахин нэмэгдүүлэх ажээ. Тоног төхөөрөмж суурилуулах ажил 2026 оны санхүүгийн жилд эхэлж, үйлдвэрлэл 2029 оны 4 дүгээр сараас эхлэхээр төлөвлөгдсөн байна.

Баяжмалаас эхлээд нунтаг, карбид хүртэлх вольфрамын бүтээгдэхүүнийг иж бүрнээр нь үйлдвэрлэдэг Японы цорын ганц компани болох Japan New Metals нь импортын дундын түүхий эдийг орлуулах зорилгоор дотоодын вольфрамын хаягдлын хэрэглээг жилд орчим 1,200 тонноор нэмэгдүүлэхээр төлөвлөж байна.

Хатуулаг чанараараа зөвхөн алмазын дараа ордог вольфрамын карбидыг уул уурхайгаас эхлээд машин механизм хүртэлх металлын нийлүүлэлтийн сүлжээнд өрөм, зүсэгч багаж хэрэгсэлд өргөн ашигладаг. Мөн вольфрамыг сансар судлал, батлан хамгаалахын тоног төхөөрөмжид ашигладаг бөгөөд хатуу хайлштай багаж хэрэгсэл нь Японы автомашины үйлдвэрлэл зэрэг боловсруулах салбарт нэн чухал ач холбогдолтой юм.

Мицубиши Материалс компанийн мэдээлснээр, энэхүү төсөл нь Японы вольфрамын нийлүүлэлтийн сүлжээг бэхжүүлж, нөөцийг дахин боловсруулах үйл явцыг дэмжихийн зэрэгцээ критикал ашигт малтмалын тогтвортой нийлүүлэлтийг хангах засгийн газрын хүчин чармайлтыг дэмжих ажээ. Компани нь 2030 оны санхүүгийн жил гэхэд вольфрам үйлдвэрлэх дахин боловсруулалтын харьцааг 100%-д хүргэх зорилт тавин ажиллаж байна.

Тус компани өнгөрсөн 7 дугаар сард Германд төвтэй "H.C. Starck Tungsten" компани дахь вольфрамын дахин боловсруулах хүчин чадлыг өргөтгөхөд мөн 50 сая евро (58 сая ам.доллар) хөрөнгө оруулахаа мэдэгдсэн юм.