Түүнчлэн Японы Yokogawa Electric компани устөрөгчийн экосистемийг хөгжүүлэх хамтын ажиллагаагаа бэхжүүлэх зорилгоор Словенийн төрийн өмчит цахилгаан дамжуулах сүлжээний оператор ELES болон хий дамжуулах системийн оператор Plinovodi компаниудтай харилцан ойлголцлын санамж бичигт гарын үсэг зурснаа Пүрэв гарагт мөн мэдэгдсэн байна.

Түншлэгч талууд Словени улсын эрчим хүчний дэд бүтцийн уян хатан, найдвартай байдлыг дээшлүүлж, нүүрстөрөгч багатай устөрөгчийн үйлдвэрлэлийн суурийг тавихыг зорьж байгаа юм. Тэд цахилгаан эрчим хүчний сүлжээ болон хий дамжуулах сүлжээг холбосон устөрөгчийн үйлдвэр байгуулах боломжийг судлахаар төлөвлөж байгаа бөгөөд эдгээр системийн уялдаа холбоотой үйл ажиллагааг дэмжих дижитал шийдлүүдийг хамтран хөгжүүлнэ гэж компаниудын хамтарсан мэдэгдэлд дурджээ.