Нүүрсний хэрэглээний өсөлтөөр АНУ-ын дараа Индонез орсон бөгөөд тус улсын хэрэглээ 0.43 эксаджоуль буюу 4.72-оос 5.15 эксаджоуль болж нэмэгдсэн байна.

Харин дэлхийн хамгийн том нүүрс хэрэглэгч БНХАУ-ын хэрэглээ 92.24 эксаджоульд буюу өмнөх оны түвшиндээ хэвээр үлджээ. Энэтхэгийн нүүрсний хэрэглээ 0.6%-иар өссөн нь сүүлийн 10 жилийн дундаж өсөлт болох 3.6%-аас мэдэгдэхүйц бага үзүүлэлт болсон байна.

Нийтдээ Хятад, Энэтхэг, АНУ, Индонез, Япон гэсэн таван улс 2025 онд дэлхийн нүүрсний хэрэглээ өссөн нийт хэмжээнд ойролцоогоор 80%-ийн хувь нэмэр оруулсан байна.

АНУ-ын өсөлтийн гол шалтгааны нэг нь эрчим хүчний зах зээлийн өөрчлөлт байжээ. Energy Institute-ийн мэдээллээр 2025 онд АНУ-д байгалийн хийн үнэ 50%-иар өссөнөөр цахилгаан үйлдвэрлэлийн эдийн засгийн нөхцөл өөрчлөгдөж, хийнээс нүүрсэнд шилжих хандлага нэмэгдсэн байна. Үүний зэрэгцээ АНУ-ын нүүрсээр үйлдвэрлэсэн цахилгаан эрчим хүчний хэмжээ 13%-иар өсжээ.

Харин Европын нүүрсний хэрэглээ 7.58-аас 7.33 эксаджоуль болж 0.25 эксаджоульээр буурсан бол дэлхийн бусад бүс нутгийн хэрэглээ нийлбэрээр 0.40 эксаджоульээр буурчээ.

Energy Institute-ийн 2026 оны тайланд дэлхийн нийт нүүрсний хэрэглээ 2025 онд 0.7%-иар өссөн гэж мэдээлсэн байна.

2025 оны нүүрсний хэрэглээний өөрчлөлт

Нэг эксаджоуль нь ойролцоогоор 25 сая АНУ-ын өрхийн нэг жилийн эрчим хүчний хэрэглээтэй тэнцэх хэмжээний энерги юм.