Reuters-ийн мэдээлснээр MSCI-ийн Японоос бусад Ази, Номхон далайн бүсийн индекс 0.97 хувиар өссөн бол Өмнөд Солонгосын хувьцааны индекс 4.4 хувь, Японы Nikkei 1.86 хувиар тус тус нэмэгджээ.
АНУ-ын долдугаар сарын хэрэглээний үнэ сарын дүнгээр 0.1 хувиар өссөн нь инфляцийн дарамт харьцангуй намжиж байгааг харуулсан байна. Үүний дараа зах зээлд есдүгээр сарын хүүгийн өсөлтийн магадлал долоо хоногийн өмнөх 54 хувиас 40 хувь орчим болж буурчээ.
Түүхий эдийн зах зээлд газрын тосны үнэ бага зэрэг буурсан боловч өндөр түвшинд хэвээр байна. АНУ-ын WTI төрлийн газрын тосны үнэ баррель нь 82.58 ам.доллар, Brent төрлийн нефть 88.35 ам.доллар орчимд хүрсэн байна. Ойрх Дорнодын геополитикийн нөхцөл байдал газрын тосны зах зээлийн гол эрсдэлийн нэг хэвээр байгаа юм.
Алт, мөнгөний үнэ мөн бага хэмжээгээр өссөн бөгөөд ам.долларын ханш иентэй харьцахдаа бага зэрэг суларсан байна. Энэ нь АНУ-ын мөнгөний бодлогын хүлээлт болон дэлхийн хөрөнгө оруулагчдын эрсдэлийн үнэлгээ түүхий эдийн зах зээлд зэрэг нөлөөлж байгааг харуулж байна.
