Энэхүү үйлдвэрийг өмнө нь Sumitomo Corporation болон Kazatomprom компаниуд эзэмшиж, ажиллуулдаг байсан бөгөөд Сареко үйлдвэр нь дэлхий даяар арилжааны чиглэлээр идэвхтэй үйл ажиллагаа явуулж буй цөөн хэдэн MREC боловсруулах үйлдвэрүүдийн нэг юм.

Lindian Resources Малави улс дахь Kangankunde газрын ховор элементийн төслөөсөө анхны бүтээгдэхүүнээ гаргахтай зэрэгцүүлэн, дөрөвдүгээр улиралд багтаан Сареко MREC үйлдвэрт боловсруулалтын ажлыг эхлүүлэхийг зорьж байна. 

Гэхдээ түүхий эдийн эх үүсвэр болон нөөцийг ашиглан боловсруулах ажлыг хугацаанаас нь өмнө эхлүүлэх боломж ч байгаа юм байна.

Компанийн хөрөнгө босгох үйл ажиллагаагаар 100 сая австрали доллар (A$100-million) төвлөрүүлсэн Лидиан компани нь Сареко үйлдвэрийг 20 сая доллароор худалдаж авах ажлыг дуусгах болон Кангакундед анхны баяжмал үйлдвэрлэхэд шаардлагатай санхүүжилтийг бүрэн шийдсэн байна. 

Сареког худалдаж авснаар нийт 15,500 м.кв талбай бүхий хоёр агуулах, нэмэлт газар болон холбогдох хөрөнгүүд дагалдаж ирж байгаа юм. Энэ нь Лидиан компани газрын ховор элементийн өртгийн сүлжээг улам гүнзгийрүүлэх явцад ирээдүйд өргөжин тэлэх үлэмж боломжийг олгож байна гэж Лидиан компанийн Гүйцэтгэх захирал Роберт Мартин хэлсэн байна.

Үүнээс гадна Сареко үйлдвэрт үйлдвэрлэсэн MREC бүтээгдэхүүнийг Америк, Франц, Японы эцсийн хэрэглэгчид худалдан авах сонирхол маш өндөр байгааг Лидиан компани онцолсон байна.

"Сареко үйлдвэр нь Лидиан компанид газрын ховор элементийг гүн боловсруулах салбарт хамгийн хэмнэлттэй замаар хөл тавих боломжийг олгож байна.