Тус компанийн санхүүгийн үр дүнгийн тайлангаас үзвэл, Энэтхэг улсын нийт нүүрсний олборлолтын дөрөвний гурвыг дангаараа бүрдүүлдэг тус төрийн өмчит компани нэгдсэн цэвэр ашгаа 0.6%-иар өсгөж, 88.52 тэрбум рупи (923 сая ам.доллар)-д хүрсэн гэж тайлагнасан байна. Энэ нь шинжээчдийн таамаглаж байсан 99.43 тэрбум рупийн хүлээлтээс доогуур үзүүлэлт боллоо.
"Elara Capital"-ын шинжээчдийн үзэж байгаагаар, тус компанийн нүүрсний олборлолт 4-өөс 5-р сард сул байсан бөгөөд 6-р сараас эхлэн сэргэж эхэлсэн байна.
Энэ оны II улиралд Энэтхэг улс дахь нүүрсний цахилгаан станцуудын эрчим хүч үйлдвэрлэл өмнөх оны мөн үеэс 9%-иар өссөн боловч "Coal India"-гийн борлуулалт (хэрэглэгчдэд нийлүүлсэн хэмжээ) ердөө 4%-иар өсч, харин олборлолтын хэмжээ нь 7%-иар буурчээ.
"Systematix"-ийн шинжээчид борлуулалтын үнэ сайн байгаа хэдий ч олборлолтын зардал нэмэгдэж байгаа тул компанийн ашигт ажиллагааны түвшинд (margin) үргэлжлэн дарамт учрах болно гэж таамаглаж байна.
Тус компанийн цэвэр ашгийн марж өмнөх оны мөн үеийн 27%-иас 19% болж буурчээ.
Компани олборлолтын зардлаа тусад нь мэдээлээгүй боловч нийт зардал нь ойролцоогоор 12%-иар өсөж, 368.16 тэрбум рупид хүрсэн байна.
"Coal India"-гийн цахим дуудлага худалдаагаар (e-auction) борлуулсан нүүрсний дундаж үнэ тонн тутамд 3,085.44 рупи байсан нь өмнөх оны мөн үеийн 2,917.22 рупиээс өндөр байна. Түүнчлэн, тухайн улиралд нийлүүлсэн нүүрсний нийт дундаж борлуулалтын үнэ өмнөх оны мөн үеэс тонн тутамд 68.39 рупигээр өсчээ.
Компани нийт борлуулалтынхаа 10%-ийг спот ханштай ойролцоо үнээр цахим дуудлага худалдаагаар борлуулдаг бөгөөд үлдсэн хувийг дотоодын хэрэглэгчдэд урт хугацааны гэрээгээр нийлүүлдэг байна.
