Дэлхийн хамгийн том эрчим хүчний хэрэглэгч тус улс энэ оны эхний таван сард дулааны цахилгаан станцын эрчим хүчний хэрэглээгээ өмнөх оны мөн үетэй харьцуулахад 3.4%-иар нэмэгдүүлж, 2.53 их наяд киловатт-цагт (кВт.ц) хүргэснийг тус улсын Статистикийн товчооны өнгөрсөн долоо хоногийн мэдээлэл харууллаа. Хятад улс дулааны цахилгаан эрчим хүчийг голчлон нүүрснээс, багахан хэсгийг хийнээс гаргаж авдаг байна.
"S&P Global Energy" болон "Wood Mackenzie" зөвлөх компаниуд нүүрсний эрчим хүчний үйлдвэрлэл өмнөх оноос тус бүр 1.5% болон 2%-иар өсөж, 2026 онд 5.4 их наяд кВт.ц-д хүрнэ гэж таамаглаж байгаа бол өгөгдлийн дүн шинжилгээний "Kpler" фирм эрчим хүчний салбарт хэрэглэгдэх нүүрсний хэрэглээг 3% орчмоор өсөж, 2.7 тэрбум тоннд хүрнэ гэж тооцоолжээ.
Мөн Хятадын эрчим хүчний нийт эрэлтийн өсөлт 2024 онд цартахлын дараах эдийн засгийн идэвхжилтэй холбоотойгоор 7% дөхөж байсан бол 2025 онд 5% болж саарсан нь тоон үзүүлэлтийн хувьд нөлөөлсөн байна.
