Энэтхэг улсын Холбооны Уул уурхайн яамнаас лити болон никель металл боловсруулах салбарыг дэмжих зорилгоор ойролцоогоор 30 тэрбум рупи буюу 313.48 сая ам.долларын санхүүжилт бүхий урамшууллын шинэ бодлогыг ойрын хугацаанд зарлах гэж байгаа тухай эх сурвалжууд мэдээллээ.
Уг урамшууллын хөтөлбөрийн хүрээнд шалгуур хангасан лити болон никель боловсруулах төслүүдийн үндсэн хөрөнгө оруулалтад 15 хүртэлх хувийн татаас олгохоор төлөвлөж байна. Энэхүү дэмжлэг нь цахилгаан автомашины батерейны нийлүүлэлтийн сүлжээг дотооддоо бэхжүүлэхэд нэн чухал ач холбогдолтой гэжээ.
Шинэ Дели хот одоогоор 6 хувь ба 9 хувьтай байгаа цахилгаан автомашины зах зээлийн эзлэх хувийг 2030 он гэхэд суудлын автомашины хувьд 30 хувьд, хоёр дугуйтуудын (мотоцикл, мопед г.м) хувьд 80 хувьд хүргэх зорилт тавиад байгаа юм байна. Иймд Энэтхэг улсын цахилгаан автомашины нийлүүлэлтийн сүлжээ, ялангуяа батерей үйлдвэрлэлд никель болон лити нь нэн чухал үүрэгтэй түүхий эдүүд болоод байна.
Уг урамшууллын хөтөлбөрт хамрагдахын тулд лити боловсруулах үйлдвэрүүд нь хамгийн багадаа 30,000 тонн, харин никель боловсруулах үйлдвэрүүд нь 50,000 тонноос доошгүй хүчин чадалтай байх шаардлага ерөнхий шаардлага тавьж байгаа юм байна.
