АНУ ирэх 6 дугаар сарын сүүл гэхэд зэсийн импортод нэмэгдэл татвар ногдуулах эсэхээ шийдвэрлэх төлөвтэй байна.
АНУ-ын Ерөнхийлөгч Дональд Трамп өнгөрсөн оны 2 дугаар сард зэсийн импортын нэмэгдэл татварын талаарх мөрдөн шалгах ажиллагааг эхлүүлэх үүрэг өгснөөс хойш Comex-д бүртгэлтэй агуулахууд дахь нийт зэсийн нөөц 550 гаруй хувиар өсөж, 640,181 богино тонн (short ton) буюу 580,762 метрик тоннд хүрээд байна.
Уурхайн нийлүүлэлтийн өсөлт сул байх хүлээлт нь зэсийн үнэ өндөр түвшинд хадгалагдахад мөн нөлөөлжээ.
Түүнчлэн аж үйлдвэрийн металлын үнийг ерөнхийд нь дэмжсэн гол хүчин зүйл нь хамгийн том хэрэглэгч болох Хятад улсын үйлдвэрлэлийн салбарын идэвхжил дараалсан 6 дахь сардаа өссөн явдал байв.
Металлуудын үнийн өөрчлөлтийг авч үзвэл:
• Зэс: 1.5%-иар өсөж, тонн нь 13,840$
• Цайр: 1%-иар өсөж, тонн нь 3,576$
• Хар тугалга: 0.2%-иар чангарч, тонн нь 2,021$
• Цагаан тугалга: 2%-иар өсөж, тонн нь 56,590$
• Никель: Өөрчлөлт багатай, тонн нь 19,275$ хүрчээ.
